Cultuuragenda

Kóntak

Euver Kengkee

Bronne

Favoriet
 


Aofsjeid Iwan en Silvio

5 ½ Jaor geleie, in september 2002, opende veer, Iwan en Silvio, Kengkee punt nl.
Eus doelstèlling mèt dees website waor ’t lievere vaan ’n bijdrage aon de Mestreechter taol en cultuur en door dit mèt ’n website te doen, ’n breier en ouch jonger publiek te bedene.

Trök kiekend mage veer zègke tot dat aordeg gelök is, gezeen ’t aontal bezeukers dat dees site nog dageleks trèk. Nog eder week kriege veer beriechskes vaan lui die Kengkee punt nl veur ’t iers ontdèkke of die al dèks trök zien gewees.

Iwan en Silvio höbbe dees site ‘nen hielen tied mèt väöl plezeer en leefde gemaak en onderhawwe. In d’n tössentied zien Iwan en Silvio ouch actief betrokke geraak bij de Veldeke Krink Mestreech, boe ze ouch mèt väöl plezeer ’t zelfde doel naostreve es tot ze mèt Kengkee punt nl veur ouge hadde. Heidoor ontstoont wel tiedgebrek en bleef ’t dèks hiel stil op Kengkee punt nl en veer vinde tot veer dao get aon mote doen.

Veer höbbe zelvers geinen tied mie um Kengkee punt nl actief bij te hawwe en höbbe beslote te stoppe. Wel zouwe veer ’t erg jaomer vinde es dat, wat veer gestart zien, zoemer zouw verdwijne. ’t Is jummers toch ouch ’n stökske vaan Mestreech gewore.

Heibij doen veer daan ouch ‘nen oproop aon ederein dee ziech gerope veult om ’t stekske vaan us euver te numme en Kengkee punt nl wijer te late leve...

Höb geer ideeje of wèlt geer zelvers get beteikene, laot us dat daan wete via info@kengkee.nl.

Iwan & Silvio


   
   
 

kopierech©kengkee | weboontwerp door Silvio Wolfs