|
|
|
Kóntak |
|
|
Euver Kengkee |
|
|
Bronne |
|
|
Favoriet |
|
|
|
|
|
HISTORIE
|
|
|
|
't
Ontstoon vaan de Mestreechter Vastelaovend
|
Euver
't oontstoon vaan de Vastelaovend zien versjeiene lezinge bekind.
De ein zeet tot Vastelaovend is oontstande oet 'n Katholieke gebäörtenis,
't Vaste. Vastelaovend kump daan ouch vaan Vasten-aovend: de aovende
veur de vastentied. De vastentied begos nao asselgoonsdag en indeg
mèt Paose en doort dus sjus 40 daog. Mèt de Vastelaovend
kos me daan nog eve alle remme los goeie. En umtot in 't Zuide vaan
Nederland noe einmaol väöl katholieke woene weurt de Vastelaovend
hei 't mies gevierd. De aander lezing zeet tot 't kömp vaan
'n hiel aajd vruchbaarheidsfies boemèt 't ind vaan de kawwe
winter en 't begin vaan de lente woort gevierd. Veer hawwe 't gewoen
op 't bourgondisch blood vaan de Mestreechtenere!
Roond d'n "èlfde vaan d'n èlfde" begint
't "vijfde seizoen". 't Vastelaovendsleedsje veur dat
jaor weurt daan gekoze door 't volk vaan Mestreech. Ederein kint
't leedsje oet de kop es veer weke veur de Vastelaovend 't benkelek
momint is aongebroke en de prins weurt oetgerope op de Merret vaan
Mestreech.
Op zaoterdag veur de Vastelaovend is de machseuverdrach in ‘t
Stadhoes roond èlf nao drei. De Prins zal daan regere euver
Mestreech mèt "belump en vaste hand" tot asselgoonsdag!
Al mie es anderhave ieuw weurt de Vastelaovend op Vastelaovendszondag
um 11 minute nao twelf ingesjote mèt 't Momus-kenon oppe
Vriethof. Op dat momint weurt 't Mooswief opgetrokke (sinds 1954)
en zie waak die drei daog euver Mestreech.
't Maske zow gebruuk weure um koej geiste te verjaoge, meh in Mestreech
höbbe veer meh eine geis en dat is "De Mestreechter Geis"
en dat is 'ne goje! Drei daog is Mestreech eine groete kaffee en
zingk en springk ederein door de straote.
Op dinsdagaovend um twelf oor weurt daan op 'ne bomvolle Vriethof
't Mooswief aofgehaold en de Prins oet volle boors bezónge
mèt "zoe'ne goje höbbe veer nog neet gehad".
Assegoonsdag haole veer eus assekruiske en goon daan hieringbiete
en e lèste pèlske pakke um weer e jaor te mote wachte
op 'ne nuie Vastelaovend.
Kengkee punt nl wins uuch 'ne plezerege Vastelaovend!
|
|
|