Iech bin verleef ...... op 't Mooswief
Hiel de wereld maag 't wete
Zie is zoe leef ...... 't is e moordwief!
Zie is gewoen um op te vrete
Zeen iech häör haange, weur iech bevaange
Jao zie is veur miech de perel vaan Mestreech
iech zouw 'ns gere mèt häör flanere
's aovend laat bij stareleech

op vastelaovendzoondag kump zie aon
gans oetgelaote staon iech daan al orelaank väöraon
um twelf oor hingk zie weer in de loch
en daan bin iech weer veur drei daog laank verkoch
iech kiek nao häör, en zie nao miech
zie lach miech aon, rech in mien geziech

Ouch de nommer twie maag d'r zien. In 2003 nog winnaar, noe twiede: Bert en Ursula Garnier mèt Vendaog ...... is mienen daag

Vendaog ....... is mienen daag!
Laot miech mer sjuive, want iech gaon de tegenaon
Vendaog ...... is zoenen daag!
Um vaan te druime, nei dao kump miech geinen aon!
Vendaog ......is mienen daag!
't Is vastelaovend, dus iech geneet en profiteer, ......
Wat iech höb gehad dat nump miech geine mins mie aof, ......
Zoe dink ech, ...... es Mestreechteneer!!

Alle lui zien op de bein, de 11 sjeut die zien gelos!
'ch höb hei dèks aon gedach
't Fies dat kin beginne, iech goei alle remme los!
En dat tot dinsdagnach, ......
De daog höb iech getèld, mer noe is 't daan zoewiet
Iech gaon mèt 'ne lach,......
Zèt alles aon de kant want 't is d'n hoegsten tied
Op vendaog höb iech e jaor gewach