Wie geer weit, steit 't-ein-en-'t-aander te gebäöre i.v.m. 't oetkome vaan den nuie Mestreechsen Dictionair.

Sponsoraovend
Op maondag 13 september is in Hotèl de Mabi 'ne speciaole sponsoraovend veur lui die zien aongesjreve. Dao weurt oonder 't oug vaan 'ne notaris eder lètter vaan de nuie Mestreechsen Dictionair bij op bod verkoch aon d'n hoegste bejer.

Prizzentatie dictionair
De officieel prizzentatie vaan de nuie Mestreechsen dictionair is op maondag
11 oktober um 20:30 oor in d'n Theater aon de Vriethof.

Ophole dictionair
De inteikenere vaan dee nuie Mestreechsen Dictionair kinne hunnen dictionair ophole op: donderdagaovend 14 oktober 2004 (tösse 19 en 22 oor) en zaoterdagmiddag 30 oktober 2004 (tösse 13 en 17 oor) in Hotèl de Mabi op de Kleine Gracht in Mestreech.

Vergeet neet 't aofhoolbewies mèt de nommer vaan eur aondeil mèt te bringe!
De zoonder kreig geer gei book!

Haw de gezètte en TV-Mestreech in de gate veur alle nuits euver de Nuie Mestreechsen Dictionair!

Veur mie informatie kint geer terech bij Veldeke krink Mestreech of bij de hiere 'Noonk' Pol Brounts of Phil Dumoulin.