Wee veureg jaor is koume loere, zal 't ouch dizze kier neet wèlle misse!
Want ouch in 2005 vint 't Vastelaovends-Cabberèt vaan de Veldeke Krink Mestreech weer plaots. Veer aovende achterein in de Bonbonnière! 't Thema vaan dit jaor is: "Miech vreug noets eine get..."

De acteurs vaan 't cabberèt, Taos Brounts, Phil Dumoulin, Jan Janssen, Els Ottenheym, Gwenny Tomassen, Twajn Weijenberg en Will Wintjens garandere uuch 'nen aovend mèt traone en tuute. Ouch 't vaste combo dat hun daobij muzikaal begeleijd is weer vaan de partij: Ben Perry (piano), Frans van Vliet (móneka), Roger Weijenberg (gitaar) en John Westenberg (slaagwerk).

't Vastelaovends-Cabberèt zal plaotsvinde in de Bonbonnière op donderdag 20, vriedag 21, zaoterdag 22 en zoondag 23 jannewarie 2005. De kaarte koste 12 Euro per stök en zien verkriegbaar aon de 'Uitbalie' bij d'n Theater aon 't Vriethof.

Bron: Roger Weijenberg, 4 januari 2005