Mestreech, 14 jannewarie 2005 - De Mestreechse vleegmaotsjappij 'Air
Mestreech' is sinds kort euvergenome door 't Afrikaonse 'Mosambique
Airlines'. De directie en aondeilhawwers vaan Air Mestreech zien dat
euverein gekoume. 't Bedraag boe-euver 't geit weurt good geheim gehawwe,
meh kinners höbbe 't euver 'n getal mèt 8 nulle! En dat hoof allein mer
verdeild te weure oonder de 14 Mestreechse aondeilhawwers die Air Mestreech
had. 't Zuut d'r naor oet tot eus stad d'r op dit momint dus 14
multimiljonairs bij heet gekrege.

Oet 'n betrouwbaar bron höbbe veer vernome tot de 14
ex-aondeilhawwers/mètwèrkers vaan Air Mestreech 'n eige Golf-Club höbbe
opgeriech oonder de naom 'De Air Vaan Mestreech'. Eus bron heet vaan hure
zègke tot 'De Air Vaan Mestreech' via de website www.airmestreech.nl vendaog
häör planne veur de nui club bekind geit make.

Bron: De Bazelcourant, Roger Weijenberg, 18-01-2005