|
Zin
1.
Gere wèl iech uuch laote kinnesmake mèt Sjengske
/ Zjengske.
Zin
2.
Sjengske heet twelf jaor geleie 't levesleech gezeen en kraog
vaan de wijsvrouw zien ierste fleske mèlk.
Zin
3.
Heer woende al zie gans leve, mèt zien awwers, twie breurs
en ze zusterke, in e kollossaol steine hoes in de Stokstraot.
Zin
4.
Ziene vaajer, Jean, wèrk al jaorelaank es sjietekojleveger
bij de gemeinte Mestreech.
Zin
5.
Neve häör daogeleks werk, zoewie 't verzörge vaan
Sjengske en zien femilie, diet moojer vrijwèllegerswerk
op de kinderaofdeiling vaan 't hospitaol.
Zin
6.
Sjengske is 'nen echte koejong, dee geregeld mèt z'n vrundsjes
ströppestreke oethaolt in de binnestad vaan eus sjoen Mestreech.
Zin
7.
In de naobersjap neume ze häöm evels 't pestoerskeend,
umtot heer bij de jurering vaan de kinderteikenwedstrijd vaan
de Tempeleers, al dèkser es ins in de prijze is gevalle.
Zin
8.
Sjengske zit in de lèste gróp vaan de liegersjaol.
Zin
9.
Heer blink neet oet in aardrijkskunde en nederlands.
Zin
10.
Dictees make zoonder 'nen dictionair deit heer minder gere es
op zien sjuiftrompöt speule oonder de mezieklès.
Zin
11.
Op zaoterdagmiddag heet Sjengske sjuittrompötlès bij
de zjubilerende Mestreechter Verkennersband.
Zin
12.
Heer spits ziech kier op kier op de optrejjes mèt de Juniorband.
Zin
13.
Sjengske zien ierste optrejje waor op vastelaovendsmaondag, in
de femilieoptoch.
Zin
14.
't Mieste bijgebleve vaan dee manjefieke boonte störm, zien
de versjèllende pekskes, wie govie, klojn, evermenneke,
kótsjeer, sjouweveger, drekmenneke, leiendèkker,
sjoester, kleiermeker, lanteriemenneke, nejeers, lomelekriemer,
avvekaot, bleeksleger, besjaarmeker, doevemèlker, baoj,
mennekesmeker, klokkelojjer, sjóffeleer, hejsemeker en
zokkestrikker.
Zin
15.
Zelf waor 'r verkleid es mèssendeender, naovenant mèt
rochèt.
Zin
16.
Oondaanks tot Sjengske pas twelf jaor aajd is, wèt heer
't al hiel zeker: Prins vaan Groet-Mestreech, dat is zienen droum
en moch dat noe neet lökke daan is börgemeister vaan
Mestreech ouch good.
|