Daor ligke veer daan . Iech same mèt 19 aandere. Lekker gezèllig bijein in d’n duuster. Wachte op ‘t momint dat veer , al is ‘t ein veur ein , eus benajde ruimte mage verlaote. Iech sjrik miech kepot. De wèkker löp aof. Dat dingk steit vlak neve us en ‘t rammele en rinkele dringk door in eus behuizing. Veer ligke dus duudelek op ‘t nachkeske neve ‘t bèd dat neve ‘t bèd steit. ‘T kin noe neet mie lang dore. ‘T benkelik momint kump korter bij. Inins krijg iech e geveul vaan gewiechloosheid. V’r weure opgeluuch , dink iech , en nao gèt gereitsel bove miene kop dringk daagleech naor binne. Veer weure ‘ns flink doorein gesjöd en iech kom mèt miene bovekant oet de behuizing te steke. Iech weur daor vasgepak en mèt de de res vaan mie slaank lief door bubbelende vingers , ‘t is nog vreug, oet mien verblief getrokke. De achterblievers weure umziechtig inclusief ‘t ömhulzel trök op ‘t nachkèske gelag. “Veer” dat zien sigarètte , dat had geer netuurlek al begrepe. Miech vèlt vendaog de ier te beurt um es ierste , geklemp tösse wies- en middelvinger, de weeg naor ‘ne getuite moond aof te lègke. Daor aongekaome weurt mèt e flakkerent vlèmke aon d’n aandere kant ‘t proces vaan verbranding in gaangk gezat. D’r weurt gezoge aon mien moondstök en daordoor krieg iech jeders kier ‘ne roeie kop en hartstikke wèrrem. En umtot de “zoeker” sjijnbaor geneet vaan ein en aander herhaolt ‘r de proceduur d’n hiele tied. Iech krijg ‘ne grijze kop devaan ! ‘T resultaot vaan zien inspanning is groet grijs wolke oet z’ne moond en neus ‘t bleike geziech verlaote. De slaopkamer völt ziech. Daor ligk nog iemand in bèd sjijns, want iech huur evels hooste Sjus te good , dink iech es sigrèt . Mooste ouch mèer goon raoke. Daan hooste netuurlek ouch …..Allein völ gemekelijker ! Veer zien noe einmaol veur de lui die neet vaan us aof kinne blieve. Veer wèlle geraok weure en daor stoon veer veur . En veer zalle alle maotregele aofdwinge die ‘t meugelek mote make dat veer ouch geraok kinne weure. De lètste tied höbbe veer ‘t es sigrèt toch al zoe meuilek . De artse , este die moos geluive zien veer allein mèr slech veur de lui. Evels kinne veer toch lèkker zien en oontspannend wèrreke. Nao ‘t ete kinne de ruikers zoe genete vaan hun sigrètsje. Tijdens e good gesprek of op ‘n receptie zien veer oonmisbaar. Boe blijfste aanders mèt d’n han ? E dröpke in ein hand en “eine vaan us”
in de aander. “Probleem” opgelos ! Veer zien neet allein hanvöllers mer ouch tèssevöllers (belasting) Dat is toch ‘t einde. Nein dat lètste is ‘n raar zin. Zoe bedoel iech ‘t neet. Iech bin evels gesloonke tot stumpke . M’ne grijze kop weurt es heer weer ‘ns op lengte is netjes in de bak gegoeid , dee ze asbak neume. Mien restant weurt ouch daorbij gedrapeerd. ‘N wierdeg einde vaan miech. Oeteindelek höb iech miene gebruuker toch mèr e geweldeg begin vaan d’n daag bezörg !!
Op ‘t werrek höbbe veer ouch al ‘ne slechte naom. De mennekes en vruikes die vaan us genete weurt verwete dat ze daordoor extra pauzes inlasse. Es neetraoker mooste netjes doorwèrreke terwijl de ruiker de zoevaolste weeg naor ‘t toilèt of boete aolègk. Dat stik. En daorum krijg eederein ‘ne hekel aon us. Num daorbij de besjaodiginge die veer aonbringe umtot , es veer oet han weure gelag , loker branne in stortbakke of in eder geval brojn vlekke achterlaote.(sjus wie de ruiker op aander plekke!!) Veer verstoppe wasbek mèt eus stoffeleke reste, en urinoirs (e vreiselek ind veur us ) en völle indirek ruimtes mèt raok . Terwijl ‘t producere vaan raok noe sjus eus doelstèlling is. En dat noe bezörg de neetraoker ‘ne roeie kop. Vaan “gif” netuurlek. Neet vaan genot wie veer zellevers.
Veer es sigrètte ergere us dao-aon . Veer wèlle genote weure. Op plaotse boe ‘t maag en boe veer op wierdige wijze aofsjeid kinne neume vaan ‘t eerdse bestoon.

Daorum bèste raoker ; veraander dat gedrach , aanders weurt de sigrèt de sigaar veur heer de piep oet geit. Veer es sigrèt höbbe touwbak devaan. Geef us wat veer verdene want dat geve veer uuch ouch!!!!!!!!!!!!!!!!!!!!!!!!!!!!!!!!!