Boete wejt 't hèl, 't störremp
Groete gries wolleke weure gevörremp
De herrefs is duudelek aongebroke
Kachels weure aongestoke
De kraag vaan de jas geit umhoeg
Tege de wind in weurt gezwoeg.

Blaajer, greun vaan te veure
Kriege de mies fantastische kleure
Edere boum weurt 'n blom en e bos e bouquet
En alles golf mèt de wind mèt

Iech geneet mèt ope moond
Blajer zweve naor de groond
Daor weure ze ein tepiet
En 'n sjèlderij tegeliekertied
Iech laop veurziechteg, sleipend mèt mien veu
Sjus wie kinder, dat weurste noets meuj

Daan inins zuuste dat prachtigs neet mie
"t woort touwgedèk door 'n deke vaan sjnie
De winter heet 't vaan de herrefs gewonne
En is zoe mèr op 'n nach begonne

Gordijne touw, oonderoet op de baank
Mèt e book, genetend , ore laangk
Nippend aon 'n dröpke of mèt e good glaas wien
Maag 't veur miech lang winter zien………

Sinterklaos mèt peerd en de Keersmaan mèt z'n herte
Koume trök vaan de " verste verten"
Mèh..wat is 't noe!! Moot "Klaos" sjuive veur de "Keers" ?
Weurt "Klaos" zoemèr vaan ziene troen gepeers !
Kom noe "Keers" ..eederein op zien beurt
Zoe-es me eeder jaor jaorig weurt!!!!!!!

"Klaos" mèt zien gediechskes en gebruuke
Dao kin de "Keers" gaaroets neet aon ruuke
Veer laote "Klaos" neet valle
"Keers" haw diech dich mèr bij boum en balle !

De " Keers" kump nao de "Klaos"
D'n eine door de sjnie , d'n aandere euver de Maos
Zoe is 't altied gewees, zoe moot 't blieve
Sjus wie 't struije en gediechskes sjrieve
En de kommers moot neet mijne
Dat dat oets geit verdwijne
Ouch de jaorgetijje koume en goon
Wie ze op de kalender stoon !!!!!