|
|
|
Kóntak |
|
|
Euver Kengkee |
|
|
Bronne |
|
|
Favoriet |
|
|
|
|
|
GRAMMAIR
|
|
|
|
De
spelling vaan 't Mestreechs
|
De
spelling vaan 't Mestreechs is neet zoe lesteg es sommege lui
't wèlle doen veurkoume. Veur wee z'n bès deit is
ze in eder geval in vrij korten tied te liere. Euverigens is 't
wel nudeg um drop te wieze tot Mestreechtenere die 't Mestreechs
neet good kinne spelle miestal toch perfek Mestreechs kinne spreke.
Spreke is jummers hiel get aanders es sjrieve. 't Is e wiedverbreid
misverstand tot spelle mèt taolvaardigheid te make heet.
In dees rubriek weurt geperbeerd um de spelling vaan 't Mestreechs
in kort bestek same te vatte.
Veer numme neet alle regels metein in eine kier op, meh zalle
dees rubriek geregeld oetbreije mèt nui spellingsregels.
Op de thoes pagina weurt altied aongekondigd wat nui is in dees
rubriek.
De spellingsregels koume oet: "Flor
Aarts, Mestreechs. Eus moojertaol."
|
|
Drei
advieze
|
Advies
1:
Sleet zoeväöl meugelek aon bij de spelling vaan 't Nederlands
(wee neet kin spelle in 't Nederlands zal ouch neet liere spelle
in 't Mestreechs!). |
Advies
2:
Lier de spellingssymbole vaan 't Mestreechs die neet in de spelling
vaan 't Nederlands weure gebruuk en lier ouch de spellingsregels
die specifiek zien veur 't Mestreechs. |
Advies
3:
Geef wäörd oet 't Ingels, 't Frans en aander vreem taole
zoeväöl meugelek de spelling die ze in hun eige taol höbbe.
Mèt aander wäörd, perbeer die spelling neet te
vermestreechse. |
|
Regels
|
| De
volgende regels oet de spelling van 't Nederlands zien ouch vaan
touwpassing op de spelling vaan 't Mestreechs: |
| Regel
1 |
Regel
2 |
Regel
3 |
Regel
4 |
| Regel
5 |
Regel
6 |
Regel
7 |
Regel
8 |
|
1.
'ne Klinker dee in dezelfde lèttergreep gevolg weurt door
'ne medeklinker weurt inkel gespeld es dee klinker kort is en
dobbel es dee klinker laank is;
Korte
klinkers inkel: zak, bek, is, bok
Lang klinkers dobbel: zaak, beek, ies, book
Wie 't veurbeeld is/ies liet zien, weurt de lètter
i 'verdobbeld' tot ie. Dees lèttercombinatie
kin ouch 'ne korte klinker aongeve, beveurbeeld in bies
('beest'). De lèttercombinatie uu steit veur 'ne
korte klinker in puun ('kus') en veur 'ne lange klinker
in kruus ('kruis'). De klinkers è (in vès),
ó (in snóp), ö (in rös)
en u (in stum) zien altied kort en weure dus altied veurgestèld
door ein klinker-lètter.
|
|
2.
Aon 't ind vaan 'n lèttergreep (en dus ouch aon 't ind
vaan e woord) spelle v'r de lang klinkers altied inkel;
a:
rake; bompa
o: hope; kado
u: hure
De
lange klinker e weurt aon 't ind vaan 'n lèttergreep
inkel gespeld (beter, leze, zeve), meh aon 't ind vaan
e woord dobbel (dee, knee, wee).
In
bovestaonde gevalle vinde v'r ouch altied de spelling ie
(behalve in lienwäörd, wie cinema en mini): knievel,
liere, statie, mie.
Aon 't ind vaan e woord kump de lange klinker u neet veur.
De klinker u in wäörd wie vlu ('vlooien')
en pu ('poten') is kort.
|
|
3.
Medeklinkers weure verdobbeld es ze weure veuraofgegaange door
'ne korte klinker en gevolg door 'nen oetgaank of door 'n achterveugsel
mèt 'ne klinker zoonder klemtoen;
b
> bb: rib -ribbe
k > kk: stök - stökke(r)
l > ll: stal - stalling
m > mm: stom - stommerik
p > pp: lap - lappe
s > ss: fles - flesse
De
lèttercombinaties ch, gk en sj weure
neet verdobbeld;
lach
- lache
brögk - brögke
mösj - mösje
|
|
4.
V'r volge de spelling vaan 't Nederlands wat de käös
betröf tösse ij en ei.
Dus: blij, rij, vijf - klei, klein, trein
Heet
't corresponderend woord in 't Nederlands geinen ij / ei-klaank,
kees daan veur de spelling ei. Dus: bein, drei, hei,
leid, zweit.
|
|
5.
De lèttercombinaties ij, ei en ui
weure neet gevolg door 'n j. Dus v'r sjrieve:
bij,
rije
hei, inleie
nui, duie
|
|
6.
V'r volge de spelling vaan 't Nederlands ouch wat de käös
betröf tösse ou en au.
Dus:
fout, kous, vrouw
blauw, paus, pauw
|
|
7.
De lèttercombinaties ou en au kriege aon
't ind vaan e woord 'n w:
mouw,
touw, zouw
blauw, dauw, pauw
|
|
8.
Bij de käös tösse -ch of -g aon 't
ind vaan wäörd kinne v'r ouch de spelling vaan 't Nederlands
volge:
licht
- leech
lucht - loch
nacht - nach
dag - daag
maag - maog
zaag - zeeg
|
|
|