Laanksem verdwijne de minuute
Drinke en ete ships oet tuute
Allemaol gezèlleg beiein
En rijge 't aajd jaor nog 'ns aonein

Boe weurt nog euver gepraot?
Euver dinger die gebäörde op straot?
Of euver traone op aandermans wange?
Laplenders die aandere wiste op te stange?

Veer zalle d'n élend weer gauw vergete
Oonder 't oliebolle en tartepomme ete
Misjien is dat ouch neet verkierd
Es veer meh get daovaan höbbe gelierd ..

'T aajd jaor verdwijnt in d'n tied
Nog eve , daan zien v'r 't kwiet
Ernstige veurvalle hadde veer wèlle misse
En onthawwe allein de sjoen häögenisse

Alle fieste, dus ouch Paose,
Daot 't rösteg en veural neet raoze
Veer beleve 't allemaol opnui
'T geit toch al zoe gauw ,bèste lui.

Rösteg, Rösteg , wèl iech blieve zègke
Neet oppenuits eur grenze verlègke
Daot 't 'ns mèt e tenneke trök
Dat zeuke nao ultiem gelök !

Wat 2005 us heet gebrach,
Nao hopelek wieneg gejenk meh väöl gelach
Dat zalle veer toch pas wete
Euver twelf maond es veer weer tuute chips zitte te ete ! !