De naoslaagwerreke die iech nudeg dach te höbbe um e diktee te make in 't origineel Veldeke dialek trök in de bokekas en juh naor 't rippetiesielokaal vaan de Mestreechse Verkennersband. 't Veureg jaor naomelek, wie iech mien dictee trök kraog vaan de "verbetereers" bleek dat iech e gans nui Mestreechs had oetgevoonde. Sjus wie op miene computer - es iech Mestreechs typ - barsden 't vaan de roej striepe. Dat zouw miech noe neet mie gebäöre… De veurzitter vaan 't diktee, , dee euveregens ,achter de taofel zaot, heet z'n spore allang verdeend op dialec-gebeed Vaan häöm höb iech ein en aander opgestoke , middels beuk die heer gesjreve heet euver 't Mestreechs. Wat kòs miech gebäöre …?
Wie de klaanke vaan de ierste zinne door 't lokaal galmde, dach iech :" Opajam dat geit lökke." Meh wie 't verhaol vorderde , gong mien optimisme al gauw euver in zweitdröppelkes en klaam han.
Ama en ampa zoe wie iech huurde, waore kemissies goon doen oppe Merret. Wat die twie daor inslaoge , hèltste neet veur meugelek. Ama moos zoe nudeg e Rögkelke, e fleske odeklojn, 'n flòdderbrook, Joedesjink, 'ne bökkem en nog zoe vaan alles.
Ampa doog nog e sjöpke de bovenop; Sjelvès, väörsjinkel, champigongs, 'ne bijhaolder, e spiejuunsje, smaajt en kwakvorsebetskes. Iech dach nog ; "De zals 't allemaol in de Keerspakkèt vinde." Wèdde datste thoes de deur neet inkaoms !
'T sjrieve vaan al die kikzsjozerije is al lèsteg, laot stoon 't opete .
Es klapstök waore ze ouch nog zoe vrij um 'n moujzemaoltied te goon gebruuke Es of 't al neet erg genòg waor. Fritte mèt sajs en mayonaise.
De kleinzoon Zjengske dee - zoe-es oet 't diktee bleek - al d'n hiele tied in hun gezèlsjap waor , droonk ziech 'ne Chocomel , ama e avvekäötsje en ampa 'ne jonge.
Gaot dao mer aonstoon. Iech bedoel neet 't drinke vaan e dröpke door ampa. Dao zouw iech gein meujte mèt höbbe , mer 't sjrieve vaan dat gedoe vaan die drei,
Zellevers zouw iech ganse aander dinger koupe op de Merret. Neet allein umtot 't Mestreechs Diktee gemekeleker zouw zien. ! Mer veural umtot 't kemissiebreefke daan gèt beter te leze waor.
Wie daan ouch . In Januari 2005 bin iech weer debij. En geer bèste lezer, misjiens ouch. Al is 't mer veur de gezèllegheid En och , foute make v'r alle.allemaol !!!!!!
(OPAJAM 29 foute ) Geer maag ze noe zellevers tèlle.