Boe Minckeleers zien vlam brandend hèlt
en kouplui hun cent höbbe getèld
Dat is 't centrum vaan eus stad
De plaots die oets de kèrremes had

Kräömkes belaoje mèt fruit
'Ne koupmaan verköp 'n goodkoupe fluit
'T mooswief aon d'n andere kant
Leidt alles mèt vaste hand.

De maan mèt gare, kies, vès of vleis
Ze doen hun wèrk in de'n echte Mestreechter Geis
Ouch blomme en friet kinste koupe.
Of zoe mer euver de mèrret loupe.

In de kaffees of op terrasse
Kinste oonder 't tòppe gauw passe.
En euveral huurste hiel good :
"Lekker appeleseene madam, ein baar blood"…

Magnefiek um daor tösse te loupe
Ouch al hoofste niks te koupe
'T is toch jaomer es die bedrievegheid is gedoon
Op die sjoen plaots allein mer oto's stoon.!