Pa en dochter in trainingspak
Pa liekend op 'ne goodgevölde eerappelezak.
Same goon ze trimme in 't bos.
De dochter heet de spiere al los
Ze zal good op häöm mote lètte
Heer wèlt alles op alles goon zètte !
De dochter spoort häöm aon
Pa zuut steerkes en soms evels de maon.
Vaan ophawwe wèlt heer neet wete,
Pa is eve ziene leeftied vergete.
De modder vluig häöm um zien oere en de stekke,
Es heer zien twiede röndsje begint te trekke.
Mèt 'ne kop zoe roed wie 'n kroot
Vraog heer ziech aof , of dat noe wel moot !
Laanksem begós 't tot häöm door te dringe
Tot'ste neet zoe meu weurs este in e koer geis zinge.
Bij die gedachte zoonk pa haos in de groond.
Meh achteraof bleek 't wel zoe gezoond.
Och wat is 't toch meulek in 't leve
Aon d'ne echte leeftied touw te geve........