Ze zien weer begós. De exames. "t Geploeter vaan 't aofgelaope jaor, moot zien beslaag kriege.Heet 't zin gehad dat Pa en Ma nao toeskaome vaan sjaol consequent de vraog stèlde; "Keend (of jong)höbste nog hoeswèrk"? Wat ouch weer steevas woort oontkind door "'t keend(of jong) Daan waor weer de volgende vraog; "Maag iech diene agenda 'ns eve zien"? 't Klaam zweit braok daan aon alle kante oet. Dee agenda loog neet ......

In eeder geval is noe 't moment surprème aongebroken. 't Journaal gaof al kond devaan.De lierlinge vaan 't veurtgezèt oonderwies mote ziech ao- mas oonderwerpe aon de exames.

Tot hij höb iech 't euver de jonges en meitskes die 't veurtgezèt oonderwies höbbe gevolg op 'n zoe gezag, hoeger sjaol. De gezèt en de tèllevisie make ganse verslage mèt "slachoffers", euver wie 't deen daag is gegaange en wie lèsteg 't allemaol wel neet waor

Noe höb iech al 'ns ieder dao-euver gesjreve. Iech bedoel euver d'n aondach dee aon DIE exames weurt besteid.

Die mennekes en vruikes die veur 'n technische riechting höbbe gekoze mote deez aondach misse .Is dat daan niks Merie. Hun "grijs massa" is eve groet es vaan alle aandere. Mer dao steit noets get euver in de gezèt of zuuste ouch niks op de tèllevisie. Ouch zie höbbe mierdere jaore lèsse gevolg en mote noe laote zien wat ze kinne. Wat hèt. Dat zien de lui die strak en mèt hun han wèrke en mèt de kop.Of 't noe um 'ne touwkomstege metseleer geit , 'ne otomontäör,of 'ne tummermaan, zie moten 't strak neet allein figuurlek , mèr ouch lètterlek "make" in 't leve.

Wat deit 'ne geweldege architek ,es heer gein metseleers heet, 'ne importäör vaan oto's zoonder montäörs, 'n meubelfebrik zoonder sjrienewèrkers ? Dee lètste kin allein mer päöl en plaanke verkaope......

Moraol; d'n eine kin neet zoonder d'n aandere ! Dus boerum gein aondach veur die jonges en meitskes die strak oetgreuje tot fantastische vaklui.??

Laot de hoeger opgeleide en de journaliste (die journaliste mote hun de aondach geve die ze verdene en ziech 'ns realisere dat zie kinne oto rije en in e sjoen hoes woene mèt meubele, daankzij die lui.........De keuken, d'n tuin ,de kleier die veer /ze drage , kiek mer um uuchnao alles wat te zien is ; 't is allemaol door lui inein- of neergezat die mèt hun han EN mèt de kop wèrke!

Chapeau veur uuch. Daan neet in de gezèt of oppe tèllevisie , mer in eeder geval op de site vaan KENGKEE.NL