Rege, naat graas en modder
Zaoterdagmörge , 't voetbalveld
De F-jes laope ziech werm
Opa verwijdert 'ne klodder

De tegepartij liet op ziech wachte
Geit de wedstrijd neet door?
De Sjeids iesbeert euver 't veld.
Concentrerend? In gedachte?

De speulerkes zien noe compleet
't Fluitsignaol, 't späölselke begint
Wie 'n rekèt renne ze allemaol nao de bal
Ze begriepe de voetbalreg els neet.

Es-of 't rugby is ,oontsteit 'ne zwerm
Geroop vaanaof de zijlijn.
Oeterein!Nao boete!Nao binne!Blief neet stoon !
Ze snappe 't (nog) neet :Ocherm.

Inins rolt de bal aon "euze" kant tösse de paole.
En dat , daonao nog tien kier
Miene kleinzoon loert nao miech
Wie kinne ze ziech zjus vendaog zoe verdaole.

Zoeväöl inzat ,slidings en dat in zoe weer
En daan gein beloening ?Kom noe.
Eine gaol höbbe ze altied verdeent.
Ze trekke nog 'ns flink vaan "leer".

De Johan Cruijf Academie, weurd veurgestèld,
Veur dat joonk talent 't bèste.
Dao lierste wie'ste moos voetballe
Mer ouch wie de gaole weure opgetèld.

Heer kaom oonder d'n drek en mèt roei kleure, vaan 't veld
Veer doge same "take vife" en heer lachde.
Astrein nog druime , mèt Pa , vaan 't groete geld.......
Opa waor de maan boevaan heer e komplemint verwachde.....