Amsterdam, Den Haag en Mestreech
In meineg gediech of leed besjreve
Dao-in zien de klein pläötskes achtergebleve.

Museumplein, Maliveld en Vriethof
Veer weiten 't allemaol te vinde
Mer begin neet euver baorebinde.

Ouch vaan d'n häöf , moostem, De Beemte
Noets vaan gehuurd, weurt daan gezag
Boe heet Slivvenhier dat noe weer neergelag ?

In Heugem netuurlek ,'t dörrepke aon moojer Maos
Dat kinste aon ein-eder vertèlle
Es ze 't ev els wete wèlle

Dat pläötske weurt geknoeveld en besjermp
Zjus wie z'n vereiniginge en kulture
Die allein Heugem touwbehure.

Z'n symbool is e bies mèt 'n oetsraoling vaan'n groete moes
't Is de waterrat moot geer wete
Die oondergraoving weurt verwete

Ónzin , aon de wallekant ligk ze op de loer
En besjermp Heugem tege vreemde sjnuiters
En b.v. lepkes groond oetbuiters.

"Heugem, Heugem, dörpke aon de Maos"
Zoe weurt 't vaan de dake gerope
E dörp dat zich altied zelvers heet bedrope !

En netuurlek zien dao wel leedsjes euver gesjreve
Mer 't is wel altied zich zellevers gebleve.........