Iech höb de väördeur nog neet ope
Of miene kleinzoon begint al te rope;
"Opa, Opa, goon veer voetballe kieke"
Inins veul iech miech 'ne "rieke".

Dit is Ampa versus kleinzoon
Boevaanste hoops dat 't noets veurbij zal goon.
't Momint datste wèls plökke
Um es Ampa neet te mislökke.

Veer goon op weeg
Nao e sportveld in Mestreech
Oongedöldeg vraoge; "is 't nog wied"?
Klink es ; "sjeet op, iech höb geine tied" !

Oongedöldeg zèt heer ziech in 't graas
Wachtend op d'n ierste pass.
Ermkes in de loch en mèt roej wange
Perbeert heer de speulers op te stange.

't Menneke geneet en daodoor iech,
Vaan dee kleinzoon vaan miech.
Is dit neet de touwgevoogde weerde
Aon 't leve op deez eerde............