Zouw 't eindelek goon gebäöre
Iech weur geadopteerd
Kin de pelitie goon bekäöre
Es me miech weer sjendeleert

De maionaise op mien veu
Friet, krokètte in de waterbak
Die sjeweinerei ,iech bin 't meu
Zoe-mer in 't water gekwak

Reste vaan al de mins neet mie lös
Aofgeknawweld en in sajs gesop
Noe bin iech eindelek gerös
En zègke" mien wijfkes"; Stop.!

De Mooswijfkes vaan St.Pieter
Make zich noe sterk veur miech
't Geit ze aon hunne mieter
En veule zich aon miech verpliech

Zie goon mich wasse en sjroompe
Daan weur iech weer sjiek en sjoen
Zuuver water in mie bekske poompe
En "hup" weer proonke op miene 'troen'

Wat zal Minckelers stoon kieke
Es heer miech daan weer zuut
En iech weer staon te prieke
Zoonder deen tr óp vaanoet die tuut

Iech bin weerMooswief door en door
Veur al die wijfkes e geziech
Mèt in mie körfke wortele en spiere poor
Daoveur bin iech opgeriech !