Es de lanteries hun leech höbbe oetgedoon
Dörf geine mins mie de straot op te goon.

'T awwer echpaar op weeg naor hoes
Ze zien zoe bang es wie 'n loes.

Nao edere meter nao edere pas
Kinne ze bestole weur vaan tas.

E köppelke kaafmouzend op 'n baank
De zuus 't neet mie, teväöl straank.

Blómme euverdaag nog zoe sjoen
Zien 's mörregens weg oet 't plantsoen.

'Ne moer , vendaog nog prachteg wit,
Groete kans dat mörrege roei verf d'r op zit.

Verinneweerders en aander figure
Lègk toch eur stad neet in de lure !

Geneet euverdaag vaan ouch eur Mestreech en häöre luuster
En spaort häör en z'n bewoeners,……..bij leech en in d'n duuster!